යමු ද Microsoft Headquarters තුළට සවාරියක්…

යමු ද Microsoft Headquarters තුළට සවාරියක්…

1487
0
SHARE

Microsoft Campus කියන අන්වර්ථ නාමයෙන් හඳුන්වන Microsoft සමාගමේ මූලස්ථාන (Headquarters) පරිශ්‍රය පිහිටලා තියෙන්නේ ඇමෙරිකා එක්සත් ජනපදයේ Washington කියන ප්‍රාන්තයේ Redmond නගරයේ. Microsoft සමාගම පළමුවෙන්ම මෙම ස්ථානයේ ව්‍යාපාර කටයුතු ආරම්භ කළේ 1986 පෙබරවාරි මාසයේදී. වරින් වර පුළුල් කිරීමේ ප්‍රතිපලයක් විදිහට අද මෙම පරිශ්‍රය අක්කර 500ක පමණ ප්‍රදේශයක් පුරා විහිදී පවතිනවා.

Microsoft Campus කියන්නේ තනි ගොඩනැගිල්ලකට සීමා වූ මුලස්ථාන පරිශ්‍රයක් නෙමෙයි. මෙය විශාල ප්‍රදේශයක් පුරා පැතිරුණ ගොඩනැගිලි 120 කට අධික සංඛ්‍යාවකින් සමන්විත වෙනවා. මෙය ඇත්ත වශයෙන්ම මුලස්ථානයකටත් වඩා නගරයක් ලෙස හැඳින්වුවහොත් නිවැරදියි. මොකද කියනවා නම් මේ තුළ නිතර ගැවසෙන පුද්ගලයන් වුනත් මෙහි අතරමං වීමට පහසුවෙන්ම ඉඩ කඩ පවතිනවා. ඒ වගේම මෙම පරිශ්‍රය තුළ ගමන් කිරීමට Microsoft Shuttle Service ද භාවිතා කරනවා.

මෙම පරිශ්‍රය තුළට ඇතුල් වන ඔබට අනාගතයට ඇතුල් වුණා සේ දැනුනත් පුදුම විය යුතු නැහැ. පහතින් දැක්වෙන්නේ Microsoft මූලස්ථානය තුළ කරන ලද සංචාරයේදී අප සිත් ගත් ස්ථාන කිහිපයක්.

මේ තියෙන්නේ 33 වැනි ගොඩනැගිල්ල. Microsoft සමාගමේ CEO, Satya Nadella වැඩ කරන්නේ මෙතන තමයි.1

පහත රූපයෙන් දැක්වෙන්නේ Microsoft සමාගමේ විද්‍යාගාරයක්. මෙහිදී තමයි අනාගත තාක්ෂණික නිපදවීම් පිළිබඳ අත්හදා බැලීම් සිදු කෙරෙන්නේ.2

පහත දැක්වෙන්නේ අනාගත නිවසක ආකෘතියක් කිවුවොත් නිවැරදියි. අනාගතයේදී තාක්ෂණය කොතරම් දුරට අපේ ජිවිතයට සමීප වෙනවද කියලා මේ දර්ශන වලින් පැහැදිලි වෙනවා.3

මේ තියෙන්නේ Microsoft ගොඩනැගිල්ලෙන් පිටත වටපිටාව දිස්වන ආකාරයයි.4

පහත රුපයේ දැක්වෙන්නේ Microsoft පරිශ්‍රය තුළ ගමනාගමන සඳහා යොදා ගන්නා Microsoft shuttle එකක්. පරිශ්‍රය ඇතුළත ගමන් කිරීමට shuttle අවශ්‍ය වෙනවා නම් පරිශ්‍රයේ විශාලත්වය ඔබට අනුමාන කළ හැකිවාට සැකයක් නැහැ.5

පහත දැක්වෙන්නේ shuttle එක ඇතුළත ඡායාරුපයක්. shuttle සේවාව පිළිබඳව ඔබ කෙතරම් සැහීමකට පත් වුනාද යන්න ඔබගේ ජංගම දුරකථනයේ ඇති QR scanner එක මගින් මෙහි සටහන් කළ හැකියි.6

මේ තියෙන්නේ The Commons නමින් හැඳින්වෙන Microsoft සමාගමේ shopping mall එක සහ food court එක ඇතුළත් ගොඩනැගිල්ලයි.7

පහත දැක්වෙන්නේ balcony එකේ සිට බලන විට පරිශ්‍රය දිස්වන ආකාරයයි.8

Microsoft පරිශ්‍රය තුළ සැරිසරණ අතරතුර අපගේ නෙත ගැටුණ විශේෂ ස්ථානයක් තමයි මේ විශාල soccer pitch එක. මේක වෙන් වෙලා තියෙන්නේ Microsoft සමාගමේ සේවකයන් වෙනුවෙන්මයි. ඔවුන්ට අවශ්‍ය ඕනෑම වෙලාවක මෙහි ක්‍රීඩා කිරීමට අවස්ථාව ලබා දීලයි තියෙන්නේ.9

Microsoft සමාගමේ සේවකයන්ට විවේක වේලාවල් වලදී Pinball ක්‍රීඩා කිරීමට පහසුකම් සලසලා දීලා තියෙන්නේ මේ විදිහටයි.

Microsoft සමාගම ඔවුන්ගේ සේවකයන් විවේක වෙලාව ගත කරන ආකාරය ගැන ගොඩක් සැලකිලිමත් වෙලා තියෙනවා කියලා අපිට දක්නට ලැබුණා. මේ තියෙන්නේ දවස පුරාම වාදනයේ යෙදෙන Jazz band එකක්. විවේක වෙලාවට සංගීතය රස විදීමටත් Microsoft හි සේවකයන්ට අවස්ථාව ලැබිලා තියෙනවා.

මේ තියෙන්නේ Microsoft ගොඩනැගිල්ලේ lobby එක කිවුවොත් නිවැරදියි. මේකට නම් හැබැයි ඕනෑම කෙනෙක්ට ඇතුල් වීමේ අවස්ථාව නැහැ. Microsoft සමාගමේ සේවකයෙක් නොවෙන කෙනෙක්ට නම් මේකට ඇතුල් වෙන්න swipe card එකක් ඕනේ වෙනවා. 10

මේ තමයි Microsoft Model Shop එක. මෙහිදී අලුත් hardware, 3D printers වලින් print කරලා අත්හදා බැලීම් සිදු කරනවා. Xbox One වගේ උපාංග වල prototype නිර්මාණය කරලා test කරලා බලන්නෙත් මෙතන තමයි.

Microsoft සමාගමේ නවතම උපාංග හැමෝටම පේන විදිහට ප්‍රදර්ශනය කරලා තියෙන්නේ මේ විදිහටයි.

පහත ඡායාරූප වලින් දැක්වෙන්නේ Microsoft පරිශ්‍රය තුළ පිහිටා ඇති තවත් ආපනශාලාවක්. එය Cafe 16 කියලයි නම් කරලා තියෙන්නේ.

මේ තියෙන්නේ Microsoft සමාගමේ conference room එකක ඡායාරූපයක්. ඒවායේ බිත්ති මත අලංකාර සිතුවම් ඇඳ තිබෙන ආකාරය තමයි මේ.

මේ තමයි Microsoft සමාගමේ Skype අංශය. එතන නම් විධිමත් කාර්යාලීය පරිසරයක් පවත්වා ගෙන යන බව අපිට දකින්නට ලැබුණා. Microsoft සමාගමට එය අලුත් දෙයක් නෙමෙයි. සේවකයින්ට නිදහසේ කාලය ගත කරන්නට ස්ථාන වගේම ඉහළ මට්ටමකින් යුතු කාර්යාලීය පරිසරයන් ද Microsoft පරිශ්‍රය පුරාම දැකගන්න පුළුවන්. 

පහතින් දැක්වෙන්නේ Microsoft පරිශ්‍රයේදී අප දුටු තවත් ආකර්ශනීය conference room එකක්.

මේ තියෙන්නේ  Microsoft සමාගමේදී අපිට දකින්න පුළුවන් වුන අලුත්ම අංගයක්. ඒකට කියන්නේ නම් high-five hallway කියලා. මෙම ප්‍රදේශය විශේෂයෙන්ම වෙන් කරලා තියෙන්නේ අපිට මුණ ගැසෙන ඕනෑම කෙනෙක්ට high-five එකක් දීම සඳහායි. මෙය සේවකයන් අතර සුහදශීලීත්වය වර්ධනය කරන්නට ගත් ක්‍රියා මාර්ගයක් විදිහට දකින්න පුළුවන්. 

කළිනුත් අපි Microsoft පරිශ්‍රය තුළ පිහිටි soccer pitch එකක් ගැන සඳහන් කළා ඔබට මතක ඇති. ඊට අමතරව ක්‍රීඩා කටයුතු වලට ම වෙන්වුණු ස්ථාන ගණනාවක් අපිට දැකගන්න පුළුවන් වුණා. පහතින් දැක්වෙන්නේ ඒ ස්ථාන වල ඡායාරූප කිහිපයක්.

Ice hockey ක්‍රීඩාංගනයThe ice hockey rink

Volleyball court එක

මේ තියෙන්නේ නව නිපැයුම්කරුවන් සඳහා වෙන් වූ ප්‍රදේශයක්. විවිධ වර්ග වල මෙවලම් රාශියක් මෙහිදී දක්නට ලැබුණා. ඒ වගේම තමයි මෙහිදී නිපදවන ඕනෑම දේක අයිතිය Microsoft සමාගම සතුයි.

මීට අමතරව මෙම පරිශ්‍රය තුළ අපගේ නෙත ගැටුණු අලංකාර ස්ථාන රැසක් තිබුණා. Microsoft සමාගම ගෘහ අලංකරණයට වැඩි ඉඩක් ලබා දී ඇති බව පැහැදිලි වන ඡායාරූප කිහිපයක් පහතින් දැක්වෙනවා.

අපි හැමෝම හොඳින්ම දන්න කියන Microsoft සමාගමේ මූලස්ථාන පරිශ්‍රයේ තොරතුරු ඔබ වෙත ඉදිරිපත් කිරීම තමයි මේ ලිපියේ අපගේ අරමුණ වුණේ. මෙම ලිපිය තුළින් ඔබ අලුත් දෙයක් ලබා ගන්නට ඇති කියලා අපි විශ්වාස කරනවා.

උපුටා ගැනීම : Business Insider

 

Comments

comments

NO COMMENTS

LEAVE A REPLY