ඔබගේ පරිගණකයේ web browser තුලින් විශ්වය දකින්න ග්‍රහලෝකාගාරයකට යන්න පුළුවන් කිව්වොත් ඔබට පුදුම හිතෙයි නේද ? තව දුරටත් ඒක පුදුමයක් නෙමෙයි, WorldWide Telescope (WWT) ඔබට මේ සදහා අවස්තාව ලබා දෙනවා. පෘතුවියේ ස්ථාපිත කරලා තියෙන Telescopes (දුරදක්න) වලින් වගේම විශ්වය පුරා අවකාශයේ සැරිසරන Telescopes ද සම්බන්ද කරමින් ත්‍රිමාණ යාන්ත්‍රණයකින් (3D navigation) රූපක සකසා ඔබේ පරිගණක තිරයට විශ්වය රැගෙන එන්න Microsoft WWT සමත් වෙනවා.
කෙටියෙන්ම කිව්වොත් WWT කියන්නේ ඔබේ විශ්ව නිරීක්ෂණාගාරය, ඔබ කවදාවත් දැක නැති අවකාශයක් ඔබේ හිතේ හැටියට ගවේෂණය කරන්න ඔබට අවස්ථාව ලබා දෙනවා. බහු තරංග ආයාම දර්ශන (multi-wavelength view) දැකගන්න ,තාරකා සහ ග්‍රහලෝක අතර අන්තර් සබඳතා විස්තර දැනගන්න, zoom in zoom out කිරීමේ හැකියාව මෙන්ම ඔබව විශ්වයේ සංචාරයක් රැගෙන යාමටද WWT සමත් වෙනවා. ඒ වගේම ඔබට විශ්වය පුරා සංචාරය කර අලුතින් සංචාර (guided tours) නිර්මාණය කරන්නත් පුළුවන්.
ඔබ මුළු සුර්යග්‍රහ මණ්ඩලයම ඒකවර 3D option එකෙන් නැරඹුවොත් ඔබට බලාගන්න පුළුවන් වෙයි ඉරෙන් ග්‍රහලෝක මත ඇතිවෙන ආලෝක තත්ත්වයන් වගේම සෙවනැලිත්. ඔබේ හිතේ තියෙන ග්‍රහලෝක වලට වඩා WWT වලින් දකින පෘතුවිය, අඟහරු දැක්කම ඔබ පුදුම වෙයි. ඒ වගේම ග්‍රහලෝක කක්ෂ වටා පරිභ්‍රමණය වෙන හැටිත්, උප ග්‍රහයෝ ග්‍රහලෝක වටේ බ්‍රමණය වන හැටිත් ඔබේ ඇස් දෙකෙන් දැක්කම ඔබට පුදුම හිතේවි !
WorldWide Telescope කියන්නෙ MIT බලපත්‍රය යටතේ තියෙන open-source application එකක් වගේම .NET Foundation එක යටතේ තියෙන ස්වාදීන ව්‍යාපෘතියක්. WWT සෑදීමට යොදාගෙන ඇත්තේ .NET framework. WWT ඒක develop කරන්න ඔබටත් දායකවෙන්න පුළුවන් නම් මේ link එකට පිවිසෙන්න, https://github.com/WorldWideTelescope
WorldWide Telescope 5.5 විශේෂාංග
- ග්‍රහලෝක වැනි ත්‍රිමාණ ගෝලාකාර වස්තුන් මතුපිට දාර සහගත නොවන (seamlessly) පරිදි ගවේෂණය කල හැක.
- ඔබට විශ්වයේ ඇති සියලු අංගයන් පිළිබඳ terabyte සිය ගණනක දත්ත පරිශීලනය කල හැක.
- guided tours යාමට, නිර්මාණය කිරීමට මෙන්ම නිර්මාණය කරන ලද guided tours සංස්කරණය කල හැක.
- බ්‍රමණය වෙන ත්‍රිමාණ ග්‍රහලෝක දර්ශන මෙන්ම ග්‍රාහක අංශුන් ද දැක ගත හැක.
- මිලියන ගණනක වස්තුන් පිළිබඳ විස්තර ඇති web අඩවි පාදක කරගත් තාරකා විද්‍යා පොත් පරිශීලනය කල හැක.
- Touch screen සඳහා වුවද මෙම සංස්කරණය ක්‍රියාත්මක වේ.
- අවුරුදු 2000ක ඉතිහාසයක් වගේම අනාගතයක් බලාගන්නත් පුළුවන් පුළුවන් !!
බාගත කර ගන්න :WorldWide Telescope 5.5 – 94.0 MB (Open Source)
ගිහින්ම බලන්න: WorldWide Telescope Website
[…] එන්න විශ්වය දකින්න – Microsoft worldwide telescope 5.5 […]