1992 අවුරුද්දේ ඉඳන් Microsoft සමාගමට විශාල සේවයක් කරපු Satya Narayana Nadella ගැනයි මේ Post එක .
1967 අගෝස්තු 19 දින,ඒ කියන්නේ අද වගේ දවසක, ඉන්දියාවේ hyderabad වල මධ්‍යම පන්තියේ පවුලක ඉපදුන Nadella, තම ප්‍රාථමික අධ්‍යාපනය hyderabad හි පොදු පාසලෙන් ලබාගත්තා. ඉන් පසුව ඔහු තම electrical engineering උපාධිය Mangalore විශ්වවිද්‍යාලයෙන් ද, MSc එක Wisconsin විශ්වවිද්‍යාලයෙන් සහ MBA එක Chicago විශ්වවිද්‍යාලයෙන් සාර්ථකව අවසන් කළා .
1992 වසරේ ඔහු Microsoft සමාගමට සම්බන්ධ වුනාට පස්සේ, තාක්ෂණික අතිනුත්, ඒ වගේම ව්‍යාපාරික අංශයෙනුත් ශක්තිමත් products ඉදිරිපත් කරන්න, මග පෙන්වන්න පුළුවන් නායකයෙක් විදියට සමාගම ඇතුලේ ප්‍රසිද්ධියට පත් උනා .
Nadella මහතා CEO තනතුරට පත්වෙන්න කලින් Microsoft හි Cloud and Enterprise කණ්ඩායමේ විධායක උප සභාපති විදියට කටයුතු කළා. ඒ කාලය තුල Nadella මහතා Online Services Division, ලෝකයේ විශාලතම cloud infrastructures, Bing සහ X Box ආදී products සදහා research & development කටයුතු සඳහාද මූලිකත්වය අරගෙන තියෙනවා . එම සියලුම දේවල් වල ප්‍රතිඑලයක් විදියට, සමාගමේ වේගයෙන්ම වර්ධනය වූ සහ වඩාත්ම ලාභදායී අංශය බවට මෙය විය. පසුගිය වාර්තා වලට සාපේක්ෂව එහි ආදායම 22% කින් වැඩි වූ අතර එහි ලාභය 33% කින් වැඩි විය.
ඔහු ප්‍රකාශ කර ඇති විදියට, මිනිසුන්ට කල නොහැකි දේ කිරීමට Microsoft සමාගම විසින් ශක්තිය ලබාදෙන නිසාත් , අවසානයේ ලෝකය වඩාත් යහපත් තැනක් බවට පත්කිරීමට හැකි වන බවත් පැහැදිලිව දුටු නිසා ඔහු වසර 22 කට පමණ පෙර Microsoft සමාගමට එක්වුන බවයි .
