පරිගණකයට log වෙන සෑම වතාවකදීම password එක type කරන්න වෙන එක ඔබටත් කරදරයක්ද? එහෙනම් එයට හොඳම විසඳුම තමයි Microsoft සමාගම විසින් හඳුන්වා දුන් “සැඟවුණු” fingerprint sensor එකක් සහිත modern keyboard එක. මෙයට පෙර හඳුන්වා දුන් surface keyboard එකත් සමඟ බැලූ බැල්මට සමානකමක් තිබුණත්, කලින් දකින්නට නොලැබුණු විශේෂතා කීපයක් මෙහි ඇතුළත්.
ඉන් ප්රධාන වෙන්නෙ, දකුණු පස තියෙන windows key එක වෙනුවට අළුතින් යොදාගෙන තියෙන fingerprint key එක. ඇත්ත වශයෙන්ම කියනවනම් fingerprint key එක කියන්නෙ button එකක්. එමනිසා ඔබගේ ඇඟිලි සලකුණු කියවීමට නම් එම key එක press කිරීම කළ යුතුයි. 2015 වසරේදී හඳුන්වා දුන් Microsoftහි biometric sign-in feature එක වන Windows Hello සමඟ මෙහි fingerprint sensor එක ක්රියාත්මක වෙනවා. මේ නිසා ඔබට ඉතා පහසුවෙන් ඔබෙ පරිගණකය unlock කරගන්න පුළුවන්. වෙනත් විදිහකට කියනවා නම් ඔබේ පරිගණකයේ password එක වෙන්නෙ ඔබමයි.
මෙම keyboard එකෙහි තවත් විශේෂත්වයක් තමයි, ඔබේ අවශ්යතාවය අනුව wired හෝ wireless යන දෙ ආකාරයටම භාවිතා කිරීමට හැකිවීම. මෙයට micro-USB cable එකක් හෝ Bluetooth හරහා ඔබේ පරිගණකය සමඟ connect වීමට හැකියාව තියෙනවා.මීට පෙර වෙළඳපොලට පැමිණි surface keyboard එකෙහි මෙම පහසුකම දක්නට ලැබුණෙ නැහැ.
නමුත් මෙම modern keyboard එකෙහි battery ආයු කාලය නම් surface keyboard එකට සාපේක්ෂව ඉතා අඩුයි. surface keyboard එකෙහි බැටරියට වසරක පමණ ආයු කාලයක් තිබුණත් මෙම modern keyboard හි බැටරි ආයු කාලය මාස 4ක් බවයි Microsoft සමාගම සඳහන් කරන්නේ. එයට හේතුව තමයි මෙහි යොදාගෙන තිබෙන fingerprint sensor එක. එසේ වුණත් මෙහි පවතින අනෙක් වාසිය තමයි ආයු කාලය අඩු වුනත් එය rechargeable battery එකක් වීම.
ඔබ මතක තබා ගත යුතු තවත් වැදගත් දෙයක් තියෙනවා. ඒ තමයි මෙම modern keyboard එක ක්රියා කරන්නේ Windows 10 සමඟ පමණක් බව. Surface keyboard එක Windows 10/8.1/8, Android 4.4.2-5.0 සහ Mac OS 10.10.5/10.11.1 සමඟ ක්රියා කිරීමට හැකි වුණා. Microsoft සමාගමට අනුව modern keyboard හි Bluetooth implementation එක compatible වෙන්නේ Windows 10 සමඟ පමණක් වීමයි මෙයට හේතුව.
ඔවුන් මෙම Fingerprint ID සහිත modern keyboard එක $129.99 ක මුදලකට වෙළඳපොළට නිකුත් කරලයි තියෙන්නේ. මෙම keyboard එකෙහි ඇති ආකර්ශණීය නිමාවත්, මෙයින් ලබා දෙන ඉහලම typing අත්දැකීමත්, යොදාගෙන තිබෙන නවීන biometric security එකත් නිසා බොහෝ දෙනා පවසන්නේ අප වැය කරන මුදලට මෙය ඉතා වටිනා බවයි.
